banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Astuzia di Antigono
Pagina 89 Numero 2

 Antigonus cum intellegeret se parem non esse paratis adversariis, statuit aliquid sibi consilii novi capiendum esse. Duae erant viae, qua ad adversariorum hibernacula posset perveniri. Quarum brevior per loca deserta, quae nemo incolebat propter aquae inopiam, dierum erat fere decem; illa autem, qua omnes commeabant, altero tanto longiorem habebat anfractum, sed erat copiosa omniumque rerum abundans. Hac si proficisceretur, intellegebat prius adversarios rescituros (esse) de suo adventu, quam ipse tertiam partem confecisset itineris; sin (se invece) per loca sola contenderet, sperabat se imprudentem hostem oppressurum (esse). Ad hanc rem conficiendam imperavit quam plurimos utres atque etiam culleos comparari, post haec pabulum, praeterea cibaria cocta dierum decem, ut quam minime fieret ignis in castris. Iter quo habeat, omnes celat. Sic paratus, qua iter facere constituerat, proficiscitur.
Cornelio Nepote


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/32985
[darkshines] - [2019-09-26 16:45:30]

Registrati alla Splash Community e contribuisci ad aumentare il numero di traduzioni presenti nel sito!