banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Una bellissima città, Siracusa
Pagina 31 Numero 2

Urbem Syracusas maximam esse Graecarum, pulcherrimam omnium saepe audistis. Est, iudices, ita ut dicitur. Ea tanta est urbs ut ex quattuor urbibus maximis constare dicatur; quarum una est ea, quam dixi, insula. In ea aedes sacrae complures, sed duae quae longe ceteris antecellant, Dianae una, et altera, quae fuit ante Verris adventum ornatissima, Minervae. In hac insula extrema est fons aquae dulcis, cui nomen Arethusa est, incredibili magnitudine, plenissimus piscium. Altera autem est urbs Syracusis, cui nomen Achradina est, in qua forum maximum, pulcherrimae porticus, ornatissimum prytanium, amplissima est curia templumque Iovis Olympii. Tertia est urbs quae, quod in ea parte Fortunae fanum antiquum fuit, Tycha nominata est; in qua gymnasium amplissimum est et complures aedes sacrae, coliturque ea pars et habitatur frequentissime. Quarta autem est, quae, quia postrema coaedificata est, Neapolis nominatur; quam ad summam theatrum maximum, praeterea duo templa sunt egregia, Ceréris unum, alterum Liberae, signumque Apollinis, qui Temenites vocatur, pulcherrimum et maximum.
Cicerone


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/43381
[darkshines] - [2018-01-02 19:14:46]

Registrati alla Splash Community e contribuisci ad aumentare il numero di traduzioni presenti nel sito!