banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Discipulī aegrī (cap. XV)
Pagina 28 Numero 36

 Sextus, Titus, Marcus Quintusque in ludo sunt. Quintus enim iam se sanum esse sentit, nec iam pes ei dolet. In sellis sedent pueri Diodorum magistrum exspectantes. Laeti non sunt, magister enim iratus est.
Tum Marcus: "Si magister iubet nos surgere et recitare" inquit, "dicere possumus ‘nos aegrotare neque recitare posse.' Tu, Quinte, dic ‘non modo pedem, sed etiam oculos tibi dolere'! Vos, Tite et Sexte, dicite ‘vos vocem non habere'!" Quintus et Titus Marco parent, sed Sextus, qui discipulus probus est, nihil dicit – is enim Marco parere non vult.
Intrat magister, discipulos salutat, considit atque imperat: "Surge, Quinte, et incipe e libro tuo recitare!"
Quintus non surgit, sed pedem suum ostendit dicens: "Stare non possum, quia adhuc pes mihi dolet, nec recitare possum, quia litteras videre non possum: oculi mei sunt aegri."
Magister: "Si hoc verum est, aegrotas. Sed frater tuus bene valet. Surge et recita, Marce!"
Sed Marcus frontem suam tangens "Sanus non sum" inquit, "caput mihi dolet. Necesse est me sedere et tacere."
Tum magister Tito imperat: "Ergo tu, Tite, surge et recita!"
Titus surgit, nec recitat. "Recitare non possum" inquit, "quia mihi nulla est vox."
Magister iratus "Si tibi nulla est vox" inquit, "quomodo dicere potes ‘tibi nullam esse vocem'?"
Tum Sextus "Quod illi dicunt" inquit, "verum non est, magister. Omnes bene valent. Sed te timent nec recitare volunt, itaque dicunt ‘se aegros esse.'"
Magister Marco et Tito et Quinto iratus est, ii autem irati sunt Sexto. Sextus initium libri recitat, magister gaudet ‘eum'que ‘bonum discipulum esse' dicit. Tum ceteris discipulis imperat: "Iam vos surgite ac totum librum recitate! Tu incipe, Marce! Aperi librum tuum!"

È severamente vietata qualsiasi copia o riproduzione anche parziale di traduzioni per uso pubblico. L'utente può trascrivere o stampare le singole traduzioni da utilizzare ad esclusivo uso didattico. Ogni tentativo di violazione dei sistemi atti a proteggere il materiale contenuto nel sito sarà perseguito a norma di legge.

La Traduzione può essere visionata su Splash Latino - http://www.latin.it/versione/44394
[darkshines] - [2017-11-05 15:11:39]

Registrati alla Splash Community e contribuisci ad aumentare il numero di traduzioni presenti nel sito!