banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Iūlius adulēscēns (cap. XX)
Pagina 36 Numero 49

 Ante decem annos Iulius adhuc adulescens erat. Pater eius dives domum Romanam pulcherrimam possidebat et praeterea multas villas magnificas. Iulius probus adulescens erat qui a parentibus suis diligebatur atque ipse eos diligebat et semper iis parebat. Parentes tam probo filio gaudebant atque multis modis eum delectare conabantur, sed tamen Iulius tristis et miser erat et nocte male dormiebat.
"Quid tu tam tristis es?" inquit mater Iulii, "Cur hic tacitus sedes, neque cum amicis colloqueris? Tune nocte male dormis? Qua de re cogitas? Dic matri tuae!"
"Profecto tristis sum, mater" respondet adulescens, "Amo enim formosam et probam virginem Romanam, cui nomen est Aemilia. Prope cotidie in viis aut in foro ei occurro eamque saluto, nec vero ab ea salutor. Flores pulcherrimos ei mitto, neque Aemilia dona mea accipere vult, sed omnia remittit! Multas epistulas, quibus pulchritudo eius laudatur, ad eam mitto, sed omnes epistulae ad me remittuntur!"
"Cuius filia est Aemilia?" interrogat mater, et filius respondet:
"Pater eius est Publius Aemilius Paulus, vir probus et doctus, qui tanto nomine dignus est, nec tamen magnam pecuniam possidet. Aemilia in exigua domo habitat cum parentibus suis. Certe non est virgo pecuniosa, sed proba et formosa est. Itaque eam amo, non propter pecuniam!"
"Recte loqueris" inquit mater, quae filium suum consolari vult, "Si Aemiliam ita amas, perge epistulas laudantes ad eam scribere et dic ei de amore tuo. Etiam plures flores mitte ei! Noli desinere eam bonis verbis salutare! Certe Aemilia tua uxor erit."
Post haec verba consolantia Iulius pergebat Aemiliae epistulas ac flores mittere. Mox Aemilia, quae – ut omnes feminae – verbis laudantibus ac floribus pulcherrimis delectabatur, neque epistulas neque flores remittebat.
Anno post Iulius et Aemilia iam coniuges erant sub eodem tecto habitantes.

È severamente vietata qualsiasi copia o riproduzione anche parziale di traduzioni per uso pubblico. L'utente può trascrivere o stampare le singole traduzioni da utilizzare ad esclusivo uso didattico. Ogni tentativo di violazione dei sistemi atti a proteggere il materiale contenuto nel sito sarà perseguito a norma di legge.

La Traduzione può essere visionata su Splash Latino - http://www.latin.it/versione/44417
[darkshines] - [2017-11-07 14:03:07]

Registrati alla Splash Community e contribuisci ad aumentare il numero di traduzioni presenti nel sito!