banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Zēnō servus doctus (cap. XX)
Pagina 40 Numero 56

 Hodie Marcus prave et foede ea, quae magister in ludo dictabat, in tabula sua scribebat. Nec tranquillus in sella sua sedebat magistrum audiens, sed clamabat et res stultas dicebat.
Ecce nunc domum suam petit et epistulam affert. Illa epistula est magistri Diodori, in qua magister iratus scribit ‘Marcum discipulum improbum et pigrum esse' eumque reprehendit. Cum pater Marci hanc epistulam leget non laetabitur, sed Marcum reprehendet et puniet.
Marcus patrem timet. Tunc non ad patrem, sed ad Zenonem it. Zeno est servus doctus, qui in familia patris Marci vivit atque Latine et Graece scit. Zeno legere, recitare et scribere potest, vel calamo in charta, vel stilo in cera.
Marcus Zenonem interrogat: "Potesne mihi epistulam scribere, et patri meo dicere ‘Marcum industrium et probum discipulum esse'?"
"Cur tibi opus est?" interrogat servus.
"Magister meus improbus est. Hic habeo eius malam epistulam. Pater meus de hac epistula profecto non gaudebit. Ego patrem meum diligo neque volo ‘eum tristem esse'" respondet Marcus.
"Si magister scribit ‘te esse pigrum et improbum,' piger et improbus es. Si patrem tuum amas, disce: semper scribe et recita. Visne statim me recitante scribere?"
Marcus de verbis Zenonis etiam minus gaudet quam de epistula magistri et abit.

È severamente vietata qualsiasi copia o riproduzione anche parziale di traduzioni per uso pubblico. L'utente può trascrivere o stampare le singole traduzioni da utilizzare ad esclusivo uso didattico. Ogni tentativo di violazione dei sistemi atti a proteggere il materiale contenuto nel sito sarà perseguito a norma di legge.

La Traduzione può essere visionata su Splash Latino - http://www.latin.it/versione/44424
[darkshines] - [2017-11-05 20:42:19]

Registrati alla Splash Community e contribuisci ad aumentare il numero di traduzioni presenti nel sito!