banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Lŷdia dē Chrīstō (cap. XX)
Pagina 41 Numero 57

 Cum sol oritur, navis, qua Medus et Lŷdia vehuntur, adhuc in mari est. Nautae gaudent quod mare nunc tranquillum est, neque magnus ventus iam flat. Medo interroganti gubernator respondet ‘Graeciam iam prope esse': tum solem intuetur et nautas iubet aquam e nave haurire, dum ventum secundum opperiuntur. Duas horas nautae multum aquae haurientes ventum exspectant, dum Lŷdia, quae propter solem qui iterum lucet in caelo sereno laetatur, pulchra voce canit, deinde ventus secundus flare incipit, et navis plenis velis Graeciae oram petit.
Medus Lŷdiam canentem audit et, eam adiens, ab ea osculum vult; neque illa osculum dare vult. "Amasne me an non?" interrogat Medus. Tunc Lŷdia ridens ei osculum in gena dat. Medus laetus est quod cum amica in patriam suam it, sed semper timet dominum suum, quia nondum putat se esse liberum; si procul in mari navem cernit, Iulium se sequi credit, et metuit. Non vult enim a domino suo accipi ac verberari et rursus eius servus fieri. "Tranquillus esto" inquit Lŷdia, "nam tu nihil facere potes: nonne scis tantum Deum nos servare posse?" His verbis Lŷdia Medum tristem consolari conatur, qui eam complectitur atque "Necesse est" inquit "te mihi plura dicere de hoc Deo tuo et de Christo, quem paulo ante invocabas. Nam Deus maior et fortior quam ceteri dei est is qui mare tranquillum fieri iubere potest: est omnium deorum maximus, cui et ventus et maris fluctus parent." Lŷdia Romae multos Christianos convenire solebat et cum iis saepe colloquebatur; nunc ipsa quoque Christiana est. Medus autem multos et varios deos in monte Olympo, in caelo et in mari esse credit. Lŷdia igitur de vero Deo narrare incipit, et Medum ad Christum convertere conatur.

È severamente vietata qualsiasi copia o riproduzione anche parziale di traduzioni per uso pubblico. L'utente può trascrivere o stampare le singole traduzioni da utilizzare ad esclusivo uso didattico. Ogni tentativo di violazione dei sistemi atti a proteggere il materiale contenuto nel sito sarà perseguito a norma di legge.

La Traduzione può essere visionata su Splash Latino - http://www.latin.it/versione/44425
[darkshines] - [2017-08-11 11:04:10]

Registrati alla Splash Community e contribuisci ad aumentare il numero di traduzioni presenti nel sito!