banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Puer et magister (cap. XXII)
Pagina 42 Numero 59

 Publius, qui puer improbus est, neque libros legere, neque magistrum in ludo recitantem audire vult. Saepe igitur non ibat ad ludum, sed in campis errabat. In arborum ramis multae aves canebant laetae, quod aer calidus erat, sol in caelo lucebat, neque ullae nubes cernebantur. Iam campi nova herba operiebantur, et arbores novis foliis or-nabantur.
Dum autem Publius in campo ambulat, bos ferox, qui ibi herbam carpit, eum videt. Primum bos diu puerum oculis spectavit; Publius vero animadvertens bovem se spectare, fugere conatur: at bestia eum sequitur, quia puerum cornibus pulsare vult. Bos ad puerum currere incipit et in eum impetum facit. In postrema campi parte fossa erat, aquae plena, in quam puer currens se iacit: postquam vero in aqua fuit, valde timuit, quia non tam bene natare poterat: magna igitur voce clamavit, sed eius vox a nullo praeter bovem audita est, qui non solum aquam, sed etiam terram umidam et mollem timens, in fossam non intravit.
Sed ecce caelum nubibus atris operitur, quae imbrem non exspectatum afferunt. "Heu!" inquit puer imbrem in fossam cadentem aspiciens, "Nisi quis me adiuvabit, in hanc fossam mergar! O me miserum, qui tam stulte moriar!"
Perterritus igitur maxima voce iterum clamavit. Tandem magister, qui per campum ad villam suam redibat, Publii clamantis vocem audivit; accurrens igitur magno baculo verberavit bovem, qui fugit; postea vero puerum ex fossa servavit. Qui, postquam servatus est: "O magister!" inquit, "Quam laetus te video!" "At cum sedes in ludo et me audis recitantem" respondet magister ridens, "non saepe tam laetis oculis me aspicere soles!"

È severamente vietata qualsiasi copia o riproduzione anche parziale di traduzioni per uso pubblico. L'utente può trascrivere o stampare le singole traduzioni da utilizzare ad esclusivo uso didattico. Ogni tentativo di violazione dei sistemi atti a proteggere il materiale contenuto nel sito sarà perseguito a norma di legge.

La Traduzione può essere visionata su Splash Latino - http://www.latin.it/versione/44427
[darkshines] - [2017-11-07 13:24:26]

Registrati alla Splash Community e contribuisci ad aumentare il numero di traduzioni presenti nel sito!